Albisteak

ZORIONAK ARTISTAK

2025/03/10-11 LH5 MICHELIN

LH5eko ikasleak martxoak 10 eta 11ean Michelinen fabrika bisitatzen egon dira, martxoaren 8aren bueltan emakumeek industrian tokia dutela erakusteko prestatutako saioa jasotzen.


Saio honetan, generoak lanpostu edo lan motarekin zerikusirik ez duela erakutsi nahiz izan da eta horretarako Michelinen lan mota ezberdinak egiten dituzten emakumeak beraien lana zein den azaldu digute eta dinamika baten bitartez gure ikasleak helduak direnean zer izan nahi duten ikusi dugu.


Horrez gain, Michelinen Lasarte-Oriako fabrikak nola funtzionatzen duen eta zer egiten duen ikusteko aukera izan dugu.

2025/03/04 IÑAUTERIAK

Otsailaren 28an, ostirala, Iñauteriak ospatu genituen ikastolan. Azken urteetan bezala,  Garaikoetxean Euskal Iñauterietan oinarritutako emanaldia egin genuen. Landaberrin aurten ere Euskal Iñauteriak ospatu genituen  eta Okendo plazara jetsi ginen dantza egitera. 


Guztiok primeran pasa genuen! Gora Landaberriko Euskal Iñauteriak!

INAUTERIAK 25 - Clipchamp-ekin sortuta_1741344982911.mp4

2025/02/07 IZAR BERRI BAT

2025/02/06 "FRIENDS" FILMA

Gaur LH1, LH2 eta LH3ko ikasleak "Friends" filma ikustera joan dira Lasarteko Kultur Etxera. 

Sinopsia

Itsas zabalean, lainopean, ba omen da munstro-familia bat bizi den uharte misteriotsu bat. Erabat debekatuta dago bertara hurbiltzea. Behin, ordea, Kotake izeneko gizaki-mutiko bat uhartera bertaratu zen eta ustekabean izaki misteriotsu batzuekin egin zuen topo. Kotakeren etorrerak izua zabaldu zuen uhartean, izan ere, gizakiek egundoko izu-ikara eragiten baitzieten uharteko munstroei. Hori zela eta, Naki suminkorraren ardurapean utzi zuten mutikoa. Hasieran, Naki eta Kotake ez ziren bata bestearekin ondo moldatzen, baina elkarrekin denbora igaro ahala, azkenean lotura hautsiezina eratu zen bien artean. Bi horiek gorabehera, ezinezkoa zen gizakiak eta munstroak elkarrekin bizitzea eta agur esateko une tristeak noizbait iritsi behar zuen. Hala ere, bien arteko adiskidantza gailenduko ote zaio munstroak eta gizakiak ezin direla elkarren adiskide izan dioen tabuari?


Zergatik ikusi film hau?

Fantasiazko mundu batean girotua dagoen film koloretsu honek,  adiskidetasun eta tolerantziak duen garrantziaren adibide aparta da. Irudimena eta emozioak dantzan jartzeaz gain, elkarbizitza eta lankidetzari buruzko balioak irakasten dizkie.

FILMAN LANDU DAITEZKEEN GAIAK

Desberdinen arteko adiskidetasuna 

Aurreiritziak

Ausardia

Elkarlaguntza

Tolerantzia

2025/02/05 SANTA AGEDA EGUNA

Atzo, otsailak 4, Santa Ageda bezpera eguna zela eta, Lasarteko kaleetan eta eskolan ibili ginen kantatzen makilak eskuetan hartuta. 

Euskal Herriko herri askotan, ohitura da gaurko egunez edo bezperako egunean herrietan kopla zaharrak kantatzea. Makilekin lurra joaz eta erritmoa markatuz Ama Lurra esnatu nahi izaten da, eta diru edo janari eskean ere ibiltzen da, jantzi tradizionalekin eta kriseiluak lagun.

Ikusi argazki eta bideoak.

IMG_5171.MOV
Santa Ageda 2025.mov

2025/01/29 IGERIKETA

Ederki dabiltza gure ikasleak igeriketa ikastaroan. Ekintza oso garrantzitsua da, ikasleengan onura asko dakartzana: 

1. Osasun fisikoa: Igeriketak gorputz osoa lantzen du, indarra, koordinazioa eta malgutasuna garatuz. Era berean, birikak eta bihotza osasuntsu mantentzeko ezinbesteko jarduera da.

2. Emozionala eta psikologikoa: Uretan ibiltzeak erlaxazioa eta ongizate sentsazioa sustatzen du, estresa murrizten eta autoestimua indartzen lagunduz.

3. Autonomia: Igeriketak konfiantza eta norberaren independentzia garatzen laguntzen du. Uretan modu autonomoan moldatzen ikasteak segurtasuna emango die.

4. Gizarte-harremanak: Taldean ikastea eta jolastea sozializazioa eta elkarlana sustatzeko aukera paregabea da, lagunartean konfiantza eta elkar ulertzea bultzatuz.

5. Garapen fisikoa: Igeriketa jarduera erregularrak gorputz postura egokia mantentzen laguntzen du eta lesioen prebentziorako eraginkorra da.

2025/01/27 HH3koak NEGUA LANTZEN

HH3ko gelak "Negua" ikas-egoera lantzen ari dira eta hainbat ekintza egin dituzte: elurra eta negu paisaia sortu dituzte bertan murgilduz esperimentatzeko.  


Polit-polit utzi dute gela. Gauza asko ikasten daude eta ikaragarri gozatzen ikas-prozesuan.


Ikusi argazkiak! 😍

2025/01/20 DANBORRADA

Urtero bezala Danborrada eguna ospatu genuen Landaberrin, aurten urtarrilaren 17an. Giro ezin hobean danborrak astindu genituen. 

Gora Danborrada!!!

2024/12/20 SAN TOMAS FESTA ETA GABON KANTAK

Hiruhilekoari amaiera emateko San Tomas festa ospatu dugu Garaikoetxean eta Landaberrin. Oporrei ongi etorria emateko jaialdiak burutu ditugu bi eraikinetan eta maila bakoitzak gainerako kideei dantza edo kanta bat eskaini die. Ederki pasa dugu, baina orain ondo merezitako oporrak tokatzen zaizkigu.

IMG_4910.MOV

Eguberri eta 

urte berri on 

denoi!

2024/12/19 ATSOBAKAR ZAHAR-ETXEAN

Gaurkoan Atsobakar Zahar-Etxean izan gara 2. mailako ikasle talde bat gabon kantak abesten.

Bertako aitton-amonei datozen gabon egun hauek alaitzeko asmoz izan gara bertan. 

Urte berri osasuntsu eta zoriontsua izan dezazuela guztiok!

2024/12/18 ATZO XIXUKO IZAN GENUEN BISITAN

Atzo Xixukok bisitatu gintuen, eta Olentzero eta Mari Domingiren inguruko berriak kontatu zizkigun. 


Liburutegian izan ginen berarekin eta hain gustoko dituen marrazkiak eman genizkion gero Okendo plazan jarri ditzan.


Eskerrik asko bisitagatik Xixuko!!!

2024/12/13 LH4 EUREKA MUSEOAN

Joan den azaroak 20an, LH4ko ikasleak EUREKA! zientzien museoan egon ginen bertako planetarioa ikusteko eta honela unibertsoaren gaiari amaiera emateko. 

Horrez gain, bertan ginela aprobetxatuz, animalien aretoa eta zientzien aretoa bisitatu genituen.


Asko ikasteaz gain goiz ederra pasa genuen!

2024/12/04 EUSKARA EGUNA

Atzo, abenduak 3, Euskararen Nazioarteko Eguna ospatu genuen Garaikoetxea-Landaberrin. Giro paregabean aritu ginen.


Garaikoetxean betiko egitarauari jarraiki hainbat ekintza egin genituen: pasiloetan dantzan aritu ginen, etxera eramateko gelako argazkia atera genuen euskararen eguna leloarekin,  ekitaldi nagusia izan genuen 11:30ean kantu eta dantzakin, arratsaldean  3 gunetan banatuta herri kirolak, diskoteka eta mahai jolasen eta arte txokoak izan genituen.  

WhatsApp Video 2024-12-03 at 21.37.37.mp4

Landaberrin berriz, goiza bi zatitan banatu zen, lehenik mihiluze lehiaketa burutu genuen eta goiza amaitzeko maila bakoitzak dantza bat eskaini zien gainontzekoei anfiteatroan. Arratsaldean eskolako harremanak sendotze aldera, 3. eta 5. mailakoak alde batetik eta 4. eta 6. mailakoak bestetik lanen elkartrukea egin genuen.


2024/11/25 EMAKUMEEN AURKAKO INDARKERIA EZABATZEKO NAZIOARTEKO EGUNA


Atzo, azaroak 25,   Emakumeen aukako indarkeria ezabatzeko nazioarteko eguna, Garaikoetxea-Landaberri ikastetxeko ikasleak ekintza ezberdinak burutu ditugu gai honen inguruan, hosto moreak margotu, esaldi politak idatzi eta margotu...


Ikusi egindakoak ondoko argazkietan.


2024/11/21  LH3ko ikasleak LASARTE-ORIAN BARRENA

Aurreko ostiralean, azaroak 15, 3.mailako ikasle eta irakasleak Lasarte-Oriako auzoak eta txoko ezberdinak ezagutzeko irteera egin genuen. 


Nahiz eta nekatu, primeran ibili ginen! 

2024/11/20  ESKULAN TAILERRAK

Ikasleak lan eta lan ari dira arte tailerretan. Lantzen ari diren gaiei loturik hainbat eskulan egin dituzte.


Horra 1. zikloko ikasleen lan batzuk ikusgai.

2024/11/19  HIZKI-HAZKA LIBURUTEGIAN 

LH1eko ikasleak Udal Liburutegian izan dira HIZKI-HAZKA deritzan aktibitatean parte hartzen. 

Zoragarria eta aberasgarria bertan bizi eta ikasi dutena. Eskerrik asko proiektu hau aurrera daramaten profesionalei. Datorren urtean berriro bertan izango gara!

2024/11/14 “BERDINTASUNEAN IRAKURKETAREKIN JOLASTUZ” IPUIN SAIOA LASARTEKO LIBURUTEGIAN

Azaroaren 20an egongo den “BERDINTASUNEAN IRAKURKETAREKIN JOLASTUZ” ipuin saioa izango da Lasarteko Liburutegian. 6-8 urteko haurrentzat izango da, eta izenematea Liburutegian bertan egin behar da. 


Animatu eta bertaratu!

2024/11/12 LH5 BURUNTZAN

Joan den asteazkenean, eguraldi eguzkitsua lagun, LH5eko ikasleak Buruntza mendira igo ginen. Ibilbide luze bezain polita osatu genuen, naturaz eta lagunez gozatuz eta elkarren arteko harremanak sendotzeko baliatu genuen irteera.


Egun ederra pasa genuen!!

2024/11/06 "ITSASMINEZ" IKUSKIZUNA

Urtero bezala Enkarni Genua ikastolara etorri zitzaigun urriaren 29an eta "Itsasminez" txotxongilo ikuskizuna ikusi zuten HH5eko haurrek. 


Ikaragarri gozatu genuen. Eskerrik asko Enkarni!


2024/11/06 LH5: ARTELATZ

LH5eko ikasleak ARTELATZeko adituekin egon ziren eskolako ondo basoan inguruko landaretzari buruz ikasten. 


Arratsaldean ukenduei buruzko tailerra egin zuten eta, amaitzeko, jolas bat egin zuten Froilan Elespe parke botanikoan ikasitakoa errepasatzeko. 


Esperientzia aberasgarria izan da!

2024/11/06 GORPUTZA GAIA LANTZEN

HH5ekoek gorputza gaia landu dugu eta txerri bihotz bat gelan behatzeko aukera izan dugu. 

Lehenik gelaka, ikutu, ikusi, hitz egin... Ondoren, lau gelak batera barrutik nolakoa den aztertu dugu. 

Ikusi argazkiak.

2024/10/24 AZPEITIKO TREN MUSEOAN

Aurreko ostiralean Azpeitiko Tren Museoan izan ziren LH2ko ikasleak. Garraiobideak gaia lantzen ari direnez, trenen munduko hainbat ikaskuntza jasotzeko aukera paregabea izan zuten Azpeitiko Tren Museoko langileen eskutik. 

Egun polita pasa zuten! 

Informazio gehiago: https://museoa.euskotren.eus/eu

2024/10/23 GURE IKASLEAK LIBURUTEGIAN

Lasarteko Liburutegiak gonbidatuta LH2ko ikasleak bertan hainbat ekintza egin zituzten urriaren 18an . Oso gustora egon ziren! 

Eskerrik asko bertako langileei guztiagatik. 

2024/10/23 ANDATZARA IRTEERA

Asteazkenean, urriak 23, eguraldia aprobetxatuz 6.mailako ikasleak Andatzara igo ginen. Egun polita igaro genuen naturaz gozatuz eta elkarren arteko harremanak sendotuz. Ibilbide ederra bezain luzea burutu genuen eta neka-neka eginak eta lokatzez beterik itzuli ginen eskolara.


Izugarri disfrutatu genuen lokatz artean!

2024/10/21 OOG-rako HAUTESKUNDEAK

2024/10/11 ARRATOI PIRATA FILMA

Pasa den astelehen honetan, HH5 urteko haurrak Kultur Etxera joan ginen. Arratoi Pirata filma ikusi genuen eta oso gustura egon ginen!

Hona filmaren inguruko informazioa:

Sinopsia

Kontuz arratoi piratarekin!

Bide lapurren artean gozo zaleena… Bere zaldiaren gainean, bidean aurkitzen duen bidaiari guztien janaria lapurtzen du bera baino maltzurragoa den norbaitekin topo egitenduen arte.

Julia Donaldsonek sortutako primerako istorio dibertigarria.

Zergatik ikusi film hau?

"Pirata Arratoiak” hainbat balio garrantzitsu irakasten ditu, hala nola, zintzotasuna eta besteekiko errespetua, ekintza txarren ondorioak eta aldaketa pertsonalaren garrantzia. Eskuzabaltasuna eta partekatzearen onurak nabarmentzen ditu,  adimen eta azkartasuna indarraren gainetik jarriz. Balio hauek modu entretenigarrian aurkezten dira, haurrek istorioaz gozatuz ikas ditzaten.

2024/09/27 EUSLE PROGRAMA BERRIA LANDABERRIN

Eusko Jaurlaritzako Hezkuntza Sailak Eusle izeneko programa jarri zuen abian iaz. Aurten Landaberriko hainbat ikasle programa honetan murgilduko dira euskara hizkuntza ikasi eta menperatzeko helburuarekin.

EUSLE_2023_urria_gida_e.pdf
EUSLE Aurkezpena (1).pdf
EUSLE_2023_urria_e.pdf

2024/09/05 ANA IDAZKARIA GAUR JUBILTZEN ZAIGU. ZORIONAK!

ZORIONAK ANA! 

Urte pila Landaberrin lan eta lan, beti alai eta irribartsu. Beti positibo! 

Etapa berria hasiko duzu, amona lanak gustoz egingo dituzu. Zure inguruan izango dituzunak zorte handia izango dute, a ze fitxajea daramaten! Tarteka bisita gaitzazu, umore eta algara tarteko elkarren berri izateko! 

Zaindu Ana, besarkada eta muxu haundi-haundi bat Landaberriko komunitate osoaren partetik.

😘😘